Дефинитивно најактивниот меѓу стенд-ап комичарите кај нас за време на оваа криза е Бојан Велевски. Откако летоска го направи првиот стенд-ап LIVE STREAM на Балканот, време е да се случи вториот и тоа пред новогодишните празници.
Насловот на шоуто е “Прирачник за изолација со жена”, a во него ќе бидат сите фори што Бојан ги напишал за машко/женските односи во текот на неговата кариера.
- “Темата на шоуто е поврзана со актуелната ситуација. Многу повеќе време сме дома со најблиските. Дел од луѓето се во изолација, а и машко/женските односи како тема е супер интересна. Сега повторно нема настани, после 21ч се е затворено па стенд-ап stream ми изгледа како супер опција за разбивање монотонија.” – вели, Бојан.
Искуството, вели е поинакво од се’ што досега го работел, но иако тој лично бил скептик, сепак публиката реагираше позитивно.
- “Да. Точно е. Бев голем скептик, но сепак решив да пробам. По настапот добив пораки дека ова функционира супер и дека е многу симпатично. Добив и еден куп слики од публиката. Се спремале посебно за настанот. Пица, пиво, пуканки, затемнета атмосфера, голем екран, и како да се во клуб, а не дома.”-истакнува Бојан.
Настанот е закажан за 26.12.(сабота) 21ч. Само 150 карти во продажба по цена од 120 денари, а на денот на настанот 150 денари. Картите се купуваат online, се плаќа со картичка и добивате линк за гледање. Еден билет за целото семејство или за цело друштво. Карта можете да си купите овде.
А, еве и низ фотографии во каква атмосфера публиката го пречека претходниот LIVE STREAM на Бојан.
- Продукција Stand-up Macedonia
- Продукција Zlaten Zab
- Продукција New Chapter
